حسيت فجأة انى بقيت برجوازية متطلعه متحذلقة منفصلة عن مشاكل المجتمع المصرى الاصيل الغارق فى طين و عبق التراث
النهاردة اشتريت كتب و اصدارات كتير من كذا بياع , طبعا جميل انى تشترى بتاع 9 كتاب و تدفع فى التوتال 39 جنية و ده شئ فحيت (خليك مؤدب و مشيها فحيت) فى حد ذاته
عندك مثلا انى اكبر مشاكلى النهاردة انى اشتريت كتاب "حضارة الاسلام ل جوستاف فون جرونيباوم"على اساس انه كتاب "حضارة العرب ل جوستاف لوبون" !! , و هو انا مخى دفتر؟! اهو مدح فينا و كلهم جوستاف بقى
انا انفصلت عن مشاكل مجتمعى الوجودية خلاص كاد ان يفسدها كتاب فى مكتبة الاهرام عجبنى عن تاريخ مصر فى العصور الوسطى و طلع سعره 100 جنية و انقذوا رقبه مدير المكتبة من ايدى قبل ما اطلع عليه عبق تاريخ الشعوب كلها... بس سيبك انت بس كده الذ